ခြေချင်းဝတ် ဒဏ်ရာ ခွဲစိတ်ကုသပြီးနောက် အောင်မြင်သွားသော်လည်း ၄ လ ၅ လ လောက်ထပ်နားရမယ့် ဂျက်ဝီရှဲလ်

အာဆင်နယ် ကွင်းလယ်ကစားသမား ဂျက်ဝီရှဲလ်ဟာ ဒီကနေ့ မနက်မှာတော့ သူ့ရဲ့ ညာဘက်ခြေချင်းဝတ် ဒဏ်ရာ ခွဲစိတ်ကုသမှုပြုလုပ်ခဲ့ပါတယ်။ ခွဲစိတ်မှုဟာ အရာရာ ချောချောမွေ့မွေ့နဲ့ ပြီးဆုံးသွားခဲ့တယ်လို့ ဆိုပါတယ်။ ဒါပေမဲ့ အာဆင်နယ် အသင်းမှာပါဝင်ဖို့ တော့ ကြာအုံးမှာ ဖြစ်တယ်လို့ ဆိုပါတယ်။



" ဒီနေ့မနက်မှာ ကျွန်တော့် ဒဏ်ရာကို ခွဲစိတ်ကုသခဲ့ပါတယ်။ အားလုံး အောင်အောင်မြင်မြင် နဲ့ ပြီးဆုံးသွားခဲ့ပါတယ်။ ခုတော့ ခွဲစိတ်ထားတဲ့ ဒဏ်ကြောင့် နည်းနည်းလေးတော့ နာနေပါတယ်။ ကျွန်တော် ပြန်လည် ကြံခိုင်ပြီး မြန်မြန် ပြန်ကစားနိုင်ဖို့ကို ကြိုးစားတော့မှာပါ။ ကျွန်တော့်ဒဏ်ရာ ခွဲစိတ်မှု အောင်မြင်ဖို့ ဆုတောင်းပေးတဲ့ စာတွေကိုပေးပို့ကြတဲ့ ကြီးကျယ်ခမ်းနားလွန်းတဲ့ အာဆင်နယ် ပရိသတ်တွေကို ကျေးဇူးတင်ပါတယ်ဗျာ။ များမကြာမီအချိန်မှာ အီမိုင်းရိတ်မှာ ပြန်လည်ဆုံတွေ့ကြပါစို့ဗျာ။ " လို့ ဂျက်ဝီရှဲလ် က ပြောကြားသွားခဲ့ပါတယ်။